Die eerste weergawe van die mees gesaghebbende boek oor die Afrikaanse taal, die Afrikaanse Woordelys en spelreels, is die eerste keer in 1917 uitgegee. Daarom dink die Suid-Afrikaanse Akademie vir Wetenskap en Kuns dit goed om 100 jaar later – in 2017 – ’n faksimilee-uitgawe daarvan uit te gee. ’n Beperkte oplaag van hierdie versamelaarsboek word gedruk en is vir belangstellendes in Afrikaans en lesers wat wil sien hoe hierdie taal gelyk het toe dit nog in sy kinderskoene was.